‘Nyauka bulih dua dekad ti udah tu, dia kami serumah tu udah bepechah pendiau, beserekang ati, beserara pengawa. Penyerakup nadai. Pengelikun nadai, Pemaik mega nadai di antara raban kami. Dalam tengah-tengah penyarut nya, bisi dih diturunka Petara Ke Pemadu Bekuasa, Penyinu enggau Penyayau, rawang ti dikumbai Orang Putih divine affalatus ba sekeda orang ngambika ulih ngatur kami tu begulai sejalai baru dalam pemaik enggau penyerakup. Diturunka Iya rawang nya ngagai Tuan D.O. kitai di Mengeri Nanga Menjuai, ngagai Kaban Council Nengeri YB Kerumbui Dui, ngagai Kaban Parlimen YB Kemundang, ngagai Encik Azmeer, ngagai menyadi aku Tuai Rumah Lasimbang, enggau sekeda bala bukai ke enda ulih disebut nama magang, tang kelebih agi ngagai Jang Darwin anak Anselm Biga enggau Endu Vanessa anak Warren Tunggal. Sida tu tadi diatur Petara ngiring ngembing, nunjuk ngachuk ngagai kami jalai nuju pemaik enggau penyerakup. Ari nya, dia dih nguntum lalu entapu di ati enggau runding tuai-tuai kami ari sepiak sepiak, baka Penghulu Pantak Rimba empu, Tuai Rumah Seligi, Sapit Tuai Rumah Selangan, Tuai Rumah Bindang, Sapit Tuai Rumah Terunan enggau Councillor Kinyang pengasai ke betimbang-rasa, penemu ti bebuai-beambi, kompromi enggau konsesus, ke ngujungka kami sanggup, baka pinang pulai ke gagang, baka sirih pulai ke rajang, baka ruai pulai ke tatai, baka enseluai pulai ke sungai, terus segulai sejalai dalam pemaik enggau penyerakup. Nya alai, ke tu, kami tu nyau udah bejait baru baka bulu pipit, udah betampung baka bulu burung. Setapa kami tu dih, sejari; sedada kami tu seati. Nya alai, laban kami tu udah maju mujur dalam pengawa, udah menang udah sampai dalam juluk ti diniat, dia kami besampika penatai kita bala pengabang tu:
Kelapan-lapan set nya lalu ditempatka ba Pusat Sumber Sekolah. ―Minta
ampun, tuan SAO. Bala pengajar aku ditu, baka aku empu, semuti ke enda rabun
komputer, tang nadai siku ke nyengala pintar komputer,‖ serebana Bobby
Sambir.
